|
Sujet 2024
Womöglich heds scho mit de Ufhebig vom Bahnhof Meierskappel-Risch im Jahr 2003 ahgfange. De Tätscher isch en Besammligsort graubt worde und fortah hed d Postautohaltestell müsse herehebe. Leider isch au die eigeständigi Postfiliale irgendeinisch zuegange. d'Postgschäft hend zum Glück ih de Bäckerei Steinegger chöne integriert werde. Also gnau det, wo mer nach mängere Partynacht die erste Schinkegipfeli hend chönne hole. Nach gwüsse Ereignis isch aber die Bachstube zuegange und de Name Steinegger isch mit Volg ersetzt worde. Immerhin hed so en Ihchaufsmöglichkeit in Meierskappel chöne bewahrt werde, Brief chönd ufgeh werde und au Gipfeli gits. Schräg gegenüber isch s'Konfetti gstande. Det hend viel Fasnachtsgwändli s gwösse Etwas übercho. De schwerschti Schlag für d'Tätscher isch aber erscht no cho. Nach 34 Jahr hend de Ruedi und dBernadette Stöckli de Struss midme Abschiedsfescht wiitergäh. Ned das mers würded zuegäh, aber de eint oder anderi Chappeler hed sicher es Trändli verdrückt. Was folgt isch en ungwüssi Reis für üse gliebti Träffpunkt, Ufenthaltsort und Schlaffstell für ehemaligi Präsidente. Wäg all dene Verlüscht sind mier Töndlitätscher es bizli rat- und orientierigslos und hend beschlosse us uf d Suechi z begää und sind somit a de Fasnacht als NOMADE - RASTLOS UNTERWÄGS |
Vorfasnacht
Umzug und Monster Virus, Monsterguugger Bueri, 27. Januar 2024
Mü-Ha Ball, Mü-Ha Ranchers Müswangen Hämikon, 20. Januar 2024
Häxechessu, Eibeler Sträggele, 13. Januar 2024
Horrorball, Rontal Guugger Root, 6. Januar 2024
öffentliche Probe und Sujetpräsentation, 6. Januar 2024
Probeweekend Hospental, 16./17. Dezember 2023