|
Sujet 2020
Höch ob Meierskappel, uf em gliiche Hügelzug wi s’Michelschrüz, liid de Chappelerbärg. Bi dem schöne Fläcke Natur hend d’Tier no ehri Rueh ond werdid nor sälte vo de Mönsche gstört. Wenn mer ganz liislig esch, cha mer mängisch sogar Reh beobachte. So ruhig wis schiint gohts aber ned emmer zue ond här. Doch s‘Gheimnis vo de Tier ond was i de bevorstehende Vollmond-Nacht passiert, weiss fascht niemer.. Wenn d‘Sonne hender em Horizont verschwindet onds dosse donkel werd, esch es weder so wiit. De Vollmond erschiint langsam am Himmel ond d‘Reh chömid eis oms andere us ehrne Versteck vöre. Langsam ziehnd sie Rechtig Waldhötte uf em Chappelerbärg. D‘Hirsche hend weder s‘Waldfäscht organisiert ond d‘Waldhötte ines Casino verwandlet. Sobald d‘Reh d‘Hötte beträttid, de Pelzmantel abziehnd ond de Wald hender sech löhnd, chond ehres wohre Gsecht zom vorschiin. Wi emmer hend sie sech chic gmacht ond send hip kleidet met Hämmli, Hoseträger ond Flüge. So fiirid d‘Tier bi jedem Vollmond ehres Waldfäscht. Bis früeh am Morge send sie i de Waldhötte, spelid Poker, Roulette ond Black Jack. Sie nehmid ehri Instrumänt vöre, möchid Musig, tanzid, sengid ond fiirid en weldi Party met Bier, Wii ond Kafi Schnaps. Ond chorz bevor d’Sonne ufgohd verschwendid alli weder zrogg i Wald. Wi wenn nüd gsie wär, leggids de ganz Tag omenand ond schlofid ehre Kater us. Ond emmer wenn Vollmond esch, findets weder statt: Waldfäscht - Casino der Tiere |
FASNACHTSWOCHE!
Grööblerball, Oohregrööbler Rotkreuz, 08. Februar 2020
Moossiball, Moosschränzer Wauwil, 01. Februar 2020
30-Jahr Jubiläum, Ämmegusler Ebnet, 31. Januar 2020
Schügufäscht, Schügumugger Ämme, 25. Januar 2020
Bahnhofguuggete und 45 Jahr - Jubiläum, Mythechroser Schwyz, 18. Januar 2020
Horrorball, Rontal Guugger Root, 11. Januar 2020
Youth Olympic Wintergames, St. Moritz, 9. Januar 2020
Öffentliche Probe und Expedition, Fläckegosler Rothenburg, 4. Januar 2020
Probeweekend Hospental, 14.-15. Dezember 2019